Pendohet ylli i Liverpoolit: E teprova me lojtarin më të mirë në histori

Prishtinë | 23 Shk 2020 | 14:26 | Nga Ekonomia Online

Ylli i Liverpoolit, Andy Robertson, e ka pranuar se pendohet që u përlesh me Lionel Messin në minutën e parë të ndeshjes së kthimit gjysmëfinale në sezonin e kaluar të Ligës së Kampionëve në Anfield.

Duke qenë se e kishin humbur 3:0 ndeshjen e parë në Camp Nou, të kuqtë u futen në fushën e vet në ndeshjen e kthimit me një qasje të egërsuar për ta përmbysur rezultatin.

Dhe kështu bënë, duke dalë fitimtar 4:0 në njërën prej netëve më madhështore në futbollin evropian.

Robertson dhe Fabinho bënë ndërhyrje ndaj sulmuesit argjentinas buzë zonës së Liverpoolit, dhe meqë loja kishte vazhduar pasi gjyqtari e kishte vlerësuar ndërhyrjen e tyre si të drejtë, mbrojtësi i majtë e kapi për flokëve dhe më pas e shtyu yllin e Barçës.

Por Robertson thotë te jetë penduar thellësisht për këtë sjellje.

“Kur i kujtoj këto gjëra, nuk pendohem për asgjë sepse ndiej sikur çdo gjë që të bën ky që je është përvojë”, tha 25-vjeçari Robertson.

“Por e kujtoj një moment me Messin si pendesën e vetme që e kam. Nuk më pëlqen ta shoh çfarë kam bërë. Kur e pashë çfarë kisha bërë, u zhgënjeva tej mase. Ta bësh atë ndaj lojtarit më të mirë që ka luajtur këtë lojë…”, shtoi ai.

“Pendohem për këtë. Sepse nuk jam i tillë si person. Nuk është personaliteti im. Ama atë natë ndodhën shumë gjëra”, përfundoi ai. 

Fjalë Kryesore:

Të ngjashme