Kur Andres Canto ishte 14 vjeç, ai u grind me prindërit e tij kur ata i thanë se nuk mund të shkonte në fshat i veshur me tuta.

Si hakmarrje, ai qëndroi në shtëpi dhe rrëmbeu kazmën e gjyshit, duke e përdorur atë për të hequr frustrimin e tij duke sulmuar me zemërim tokën në kopsht.

Por gjashtë vjet pas, tani si 20-vjeçari për herë të parë ‘shpërtheu’ tokën. Ai ka krijuar shpellën e tij njerëzore nëntokësore, me shkallë që çojnë thellë në një strukturë që përbëhet nga një dhomë gjumi dhe hapësira të tjera.

Andres, i cili tani është një aktor, thotë se nuk e ka idenë se si nisi ideja për të hapur një vrimë në shtëpinë e tij familjare në qytetin e La Romana, Spanjë, por ai filloi ta përdorë atë si një mënyrë për të pushuar në mbrëmje pas shkollës, duke punuar në gërmimin e tij me dorë disa ditë në javë.

Toka fillimisht u hoq me dorë duke përdorur kova, por ndërsa Andres shkoi gjithnjë e më thellë, ai filloi të studionte teknikat e gërmimit dhe më vonë zhvilloi një sistem rrotullues për të marrë rrënojat në sipërfaqe.

Ndërsa filloi të krijonte dhoma, ai përforcoi tavanet duke përdorur hyrjet me hark dhe tavanet e harkuar me kolona të përforcuara për të parandaluar një shembje të mundshme.

Ai vlerëson se projekti i ka kushtuar një shumë prej 50 eurosh. Andres ka në plan të zgjerohet edhe më tej, me shpellën që aktualisht mburret me dy dhoma, një sistem ngrohjeje, Wi-Fi të siguruar nga telefoni i tij që transmeton nga hyrja e shpellës dhe një sistem muzikor.