Një përleshje mes dy grupeve të të rinjve ka ndodhur mëngjesin e sotëm në Pejë, ku dy persona kanë mbetur të plagosur nga një mjet i mprehtë.

Ngjarja ka ndodhur rreth orës 09:40, në rrugën “Agim Çelaj”. Pas incidentit, në vendngjarje ka intervenuar Policia e Kosovës.

Rastin e ka konfirmuar zyrtari për informim i Policisë Rajonale të Pejës, Driton Rugova.

“Ngjarja ka ndodhur në rrugën ‘Agim Çelaj’ rreth orës 09:40 minuta. Policia ka arritur me urgjencë. Të plagosurit po trajtohen në Spital”, ka deklaruar Rugova.

Dy personat e plagosur janë dërguar për trajtim mjekësor, ndërsa Policia e Kosovës po vijon hetimet për të zbardhur rrethanat e incidentit.