Vendosja e tabelave me emërtimin e rrugëve është një projekt që financohet nga Bashkimi Evropian dhe që ka për qëllim ndërtimin e sistemit të adresave dhe ofrimi i lehtësive në regjistrin civil, shërbimet publike, në transport, navigacion, në polici, në forcat e sigurisë dhe shërbimet e zjarrfikësve.

Realizimi i këtij projekti përveç që është në interes të vetë qytetarëve, sepse përmes emërtimit të rrugëve bëhet edhe sistemimi i adresave, është edhe një nga kriteret e Bashkimit Evropian.

Kompania e cila aktualisht është duke vendosur shtyllat e tabelave të rrugëve, kërkon mirëkuptim dhe bashkëpunim nga qytetarët për realizimin me sukses të këtij projekti. Kjo për shkakun se gjatë realizimit të projektit janë evidentuar raste të dëmtimeve të disa shtyllave nga presona të pandërgjegjshëm.