Pjesëtarët e Policisë së Kosovës, të stacionit në Malishevës po  vazhdojnë traditën e dhënies vullnetare të gjakut, për nevojat e spitaleve në vendin tonë. Edhe sot, zyrtarët policor, por edhe qytetarë të tjerë, i janë përgjigjur aksionit për dhënien vullnetare të gjakut, aksion i cili është duke u mbajtur në ambientet e stacionit policor, nga ana e Entit të Transfuzionit të Gjakut.

Në fillimin e këtij aksioni, ishte i pranishëm edhe nënkryetari i Malishevës, Hajdin Berisha, i cili i ka përgëzuar edhe profesionistët shëndetësorë të Entit të Transfuzionit të Gjakut, por edhe zyrtarët policor në Malishevë, për gatishmërinë e tyre dhe gjestin human që po e bëjnë, pasi një dozë e gjakut, mund të shpëtoj një jetë njeriu.

I pari që e filloi aksionin e dhënies vullnetare të gjakut, ishte komandanti i stacionit policor në Malishevë, kapiteni Azem Krasniqi,  e më pas edhe zyrtarët tjerë policor dhe qytetarë të cilët ishin të njoftuar për aksionin, transmeton Klan Kosova.

Ky aksion i dhurimi vullnetar të gjakut, do të vazhdojë edhe gjatë orëve të pasdites.