Policia e Kosovës ka konfiskuar armë dhe municion pa leje në dy lokacione në komunën e Vitisë.

Sipas njoftimit të policisë, gjatë një pikë kontrolli në Viti është ndalur një veturë e tipit Mercedes dhe personat që gjendeshin në të posedonin armë pa leje.

“Pas marrjes se këtyre informatave me urdhër të Prokurorit të shtetit është bërë kontrolli fillimisht në shtëpinë e vozitësit i cili ka pranuar se posedon armë  dhe ka dorëzuar një pushkë gjysmë automatike (përsëritëse) cal.7.62 mm. Po ashtu me urdhër te Prokurorit të shtetit është bërë kontrolla edhe në shtëpinë e personit tjetër që ka qenë në veturë  i cili ka pranuar se posedon armë dhe ka dorëzuar një pushkë ajrore “broëing “ pa numër serik  dhe një revole me gaz model  “Ekol Jackal Dual Compakt “ “, thuhet në njoftim.

Me urdhër te Prokurorit te shtetit rastet veç e veç procedohet ne procedure te rregullte me kallëzim penal “Mbajtja në pronësi, kontroll ose posedim të paautorizuar të armëve”.

Njoftimi i plotë:

Gjatë kontrollit në dy lokacione janë konfiskuar  armë dhe municion pa leje

Viti, 22 shkurt  2022

Drejtoria Rajonale e Policisë, Njësia mbështetëse e Reagimit të Shpejtë (NjRSH) me datë 23.02.2021 rreth orës 20:55 derisa ishte në pikë kontrolli në Viti ka ndaluar automjetin Mercedes me targa vendore. Në  veturë përveç vozitësit ishin edhe dy pasagjerë.

Njësiti policor përmes rrugëve operative ka pasur informata se këta persona posedojnë dhe mundë të bartin armë pa leje.

Pas marrjes se këtyre informatave me urdhër të Prokurorit të shtetit është bërë kontrolli fillimisht në shtëpinë e vozitësit i cili ka pranuar se posedon armë  dhe ka dorëzuar një pushkë gjysmë automatike (përsëritëse) cal.7.62 mm. Po ashtu me urdhër te Prokurorit të shtetit është bërë kontrolla edhe në shtëpinë e personit tjetër që ka qenë në veturë  i cili ka pranuar se posedon armë dhe ka dorëzuar një pushkë ajrore “broëing “ pa numër serik  dhe një revole me gaz model  “Ekol Jackal Dual Compakt “ .

Të dyshuarit janë sjellë në Stacionin policor në Viti ku janë  intervistuar dhe  me urdhër te Prokurorit te shtetit rastet veç e veç procedohet ne procedure te rregullte me kallxim penal “Mbajtja në pronësi, kontroll ose posedim të paautorizuar të armëve”. Rasti i referohet Prokurorisë Themelore Gjilan.