Deputetët e Kuvendit të Kosovës kanë filluar të futen në sallën e Kuvendit kur pritet të fillojë seanca në të cilën pritet të miratohet marrëveshja për demarkacionin e kufirit me Malin e Zi.
Në sallë shihen deputetët e Vetëvendosjes si dhe disa nga deputetët e LDK-së, derisa deputetët e PDK-së ende nuk janë në sallë.
Ndërsa deputetët e Listës Srpska nuk shihen në sallë.
Në ora 11:30 pritet të fillojë seanca, në të cilën deputetët pritet të votojnë për demarkacionin me Malin e Zi.
Rendi i ditës së seancës së sotme është rendi i ditës:
Koha për deklarime jashtë rendit të ditës;
Koha për pyetje parlamentare;
Miratimi i procesverbalit nga seanca e mëparshme;
Interpelanca e Kryeministrit, Isa Mustafa, sipas kërkesës së deputetit Visar Ymeri, i mbështetur edhe nga 7 deputetë nënshkrues, në lidhje me kodin telefonik shtetëror të Republikës së Kosovës;
Interpelanca e kryeministrit Isa Mustafa, sipas kërkesës së deputetit Ismajl Kurteshi, i mbështetur edhe nga 10 deputetë nënshkrues, në lidhje me situatën aktuale politike në pjesën veriore të Republikës së Kosovës;
Shqyrtimi i Projektligjit për ratifikimin e Marrëveshjes për Kufirin Shtetëror në mes të Republikës së Kosovës dhe Malit të Zi;
Shqyrtimi i raportit vjetor të Autoritetit Rregullator të Komunikimeve Elektronike dhe Postare për vitin 2015;
Propozimi i GP të AAK-së për zëvendësimin e anëtarëve në komisionet parlamentare.