Analisti politik, Bekim Kabashi, ka thënë se nëse Lidhja Demokratike e Kosovës (LDK), lejon Vetëvendosjen që ‘ta bluaj’ Lutfi Hazirin, e njëjta i pret edhe anëtarët të tjerë të kësaj partie.

Përmes një shkrimi në rrjetin social Facebook, Kabashi ka thënë se Nënkryetari i LDK’së, Haziri, e kishte kuptuar i pari se çfarë mund t’i shkaktojë VV, LDK’së.

“Lutfi Haziri e pat kuptu i pari se cfare mund t’i shkaktoje VV LDK’se, duke u nis nga instikti mbrojtes i vetes, ngase ishte i vetedijshem, se nese kjo fillon te ndodhe, ai do te ishte kokrra e pare qe futej ne mulli”, ka shkruar ai.

Tutje, Kabashi thekson se një gjë e tillë, po ndodhë ende pa filluar qeverisja e përbashkët, teksa shton se nëse LDK e lejon VV’në ‘ta bluaj’ Hazirin, e njëtja i pret edhe të tjerët.

“Kjo edhe po ndodhe, akoma pa filluar qeverisja e perbashket. Nese LDK lejon qe VV ta bluaj Luten, e njejta i pret edhe te tjeret”, përfundoi ai.

Lutfi Haziri e pat kuptu i pari se cfare mund t’i shkaktoje VV LDK’se, duke u nis nga instikti mbrojtes i vetes, ngase…

Gepostet von Bekim Kabashi am Sonntag, 3. November 2019

Kujtojmë se Haziri këtyre ditëve ka qenë në qendër të vëmendjes, pas publikimit të një fotografie me Kryetarin, Isa Mustafa, krahas së cilës shkroi se ‘Emri i kryeministrit kalon nëpër LDK’, percjell gazetametro.

Ndryshe, dy partitë tashmë e disa javë janë në bisedime me njëra tjetrën për të arritur një koalicion të mundshëm, ndërkaq pikërisht Haziri, është caktuar Shef i Ekipit Negociator të LDK’së.