Lambrecht shpreson të ketë vendime të mira drejt njohjes reciproke nga takimi i 13 majit në Bruksel

Prishtinë | 05 Maj 2022 | 18:37 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Ministrja gjermane e Mbrojtjes, Christine Lambrecht, po shpreson se në takimin e palës kosovare dhe asaj serbe në Bruksel që do të mbahet më 13 maj, do të bëhen hapat e parë me vendime të mira.

Ajo u shpreh kështu gjatë vizitës së saj në Kosovë pas takimit me kryeministrin Kurti.

”Ne do t’ju qëndrojmë përkrah në rrugën e procesit të anëtarësimit të Kosovës si një vend partner mbështetës, dhe këtu duhet të bëhet e qartë se cilët hapa janë të qartë të ndërmerren në procesin e përafrimit në dialog dhe shpresoj të marrë një dinamikë të re dhe shpresoj që do të ketë vendime të mira më 13 maj në Bruksel”.

”Hapat e parë do të mund të ishin edhe vendimet për njohjen reciproke të dokumenteve në këtë aspekt dhe do të ishte një sinjal i mirë”.

Ministrja gjermane e Mbrojtjes, Christine Lambrecht, ka thënë se Gjermania do të vazhdojë ta mbështesë Kosovën ushtarakisht, kryesisht përmes pranisë së saj në KFOR.

Tha se Gjermania e mbështet edhe anëtarësimin e Kosovës në NATO dhe BE dhe se do t’i ofrojë ndihmë edhe më tutje.

“E kam siguruar palën kosovare se qëndrojmë përkrah Kosovës edhe sa i përket mbështetjes ushtarake. Do të mbetemi të angazhuar përmes KFOR-it. Do ta vazhdojmë angazhimin tonë edhe sa i përket trajnimit të FSK-së në mënyrë që ajo të marrë përgjegjësinë e saj në të ardhmen”, ka thënë Lambercht.

Lexo më shumë:

Të ngjashme