Bashkëkryesuesi i dialogut me Serbinë, Fatmir Limaj është deklaruar për medie pas takimit me Drejtorin e Përgjithshëm për Çështje Politike në Ministrinë e Jashtme të Mbretërisë së Bashkuar, Richard Moore, raporton Ekonomia Online.

Ai ka thënë se Kosova është e interesuar që të vazhdoj dialogu në mënyrë që të arrihet marrëveshja historike.

“Kosova është e interesuar që të vazhdoj dialogu dhe jemi të interesuar të marrim njohje nga Serbia. Kjo është vizitë e zakonshme e jona atje”.

“Ne sa herë shkojmë lëmë mundësi dhe tema të hapura për të shkuar prapë. Këtë herë ne kemi prezantuar platformën”.

I pyetur se si i komenton deklaratat e Enver Hoxhës se ekipi atje po takon zyrtarë të parëndësishëm, Limaj ka thënë se Moore nuk është i parëndësishëm.

“Moore nuk është i parëndësishëm, ai takohet me kryeministra të rajonit dhe është lider i fuqishëm”, ka thënë ai.

Tutje Limaj ka thënë se të gjithë zyrtarët po e kërkojnë të eliminohen barrierat në mënyrë që të rifillojë dialogu, raporton EO.

“Të gjithë vinë dhe kërkojnë që të pezullohet taksa apo të eliminohen barrierat që të filloj dialogu”.