Partia Demokratike e Kosovës nuk ka dërguar në Komisionin Qendror të Zgjedhje emër të ri të kandidatit/es për kryetar të Pejës, pas vrasjes së Astrit Ademaj, raporton Ekonomia Online.

Ndërsa, KQZ ka certifikuar Drena Podrimcakun, si kandidati për kryetare të komunës së Partisë Balliste, pas vdekjes së ish-kandidatit i cili ishte për kandidat për kryetar po për këtë komunë.

“Presim t’i kemi 36 mijë vëzhgues. Ashtu siç jeni informuar kandidati për kryetar nga Partia Balliste ka ndërruar jetë, e njëjta mundësi është dhënë edhe PDK-së, në afatin e përcaktuar kemi pranuar vetëm nga Partia Balliste që i ka kryer të gjitha vlerësimet dhe rekomandojmë për certifikim, Drena Podrimcaku”, kështu tha Ylli Buleshkaj.