PSD-ja kërkon shkarkimin e zëvendësministrit Hysen Durmishi

Prishtinë | 22 Kor 2021 | 11:16 | Nga Ekonomia Online Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Partia Socialdemokrate (PSD) sërish ka zhvilluar një aktivitet para ministrisë së Drejtësisë, raporton Ekonomia Online.

Ata kanë ngjitur një baner me logon e pesë eurove si dhe me figurën e zëvendësministrit Hysen Durmishi.

Teuta Rrusta nga PSD-ja tha se rrugës duke ardhur kanë kuptuar që Durmishi e ka anuluar tenderin për tiketat prej 5 euro.

Ajo tutje tha se Durmishi duhet të shkarkohet dhe të hetohet, pasi që sipas saj, anulimi i tenderit ka ardhur për shkak të opresionit të opozitës.

“Rrugës tek po vinim e kuptuam që zëvendësministri ka pezulluar vendimin për tiketat ngjitëse në vetura, pas një presioni të madh të opozitës”.

“…kjo nuk erdhi si rezultat i vëmendjes që të luftohet plaçka e rrallës, por kjo erdhi se aty kishte tendenca që të fshihej hajnia dhe çka nëse nuk do të bëhej e ditur nga mediat dhe do të kalonte në heshtje a do ta ngriste vetë, natyrisht që jo kjo erdhi si rezultat i luftës së përbashkët të spektrit opozitar”.

Ndryshe, PSD-ja edhe të premten ka zhvilluar një aktivitet pranë ministrisë së drejtësisë, ku pastaj nga policia janë arrestuar anëtarët e PSD-së si dhe kryetari Dardan Molliqaj.

Lexo më shumë:

Të ngjashme