Kryetari i PDK-së dhe kandidati për kryeministër të Kosovës, Kadri Veseli ka kritikuar kryetarin e LDK-së, Isa Mustafa nga Suhareka ku partia e tij ka mbajtur tubimin zgjedhor.

Ai i ka thënë Mustafës se nuk duhet të shqetësohet për amerikanizimin dhe lidhjet e Veselit me SHBA por të shqetësohet për koalicionin që po përpiqet të krijoj me një anti-amerikan sikurse është Albin Kurti.

“Ditët e fundit oponentët tanë kanë filluar të egërsohen por unë i them vecmas Isa Mustafës që nuk duhet të shqetësohet për amerikanizimin tim sepse populli i Kosovës është më pro amerikani por duhet të shqetësohet për koalicionin e korrupsionit dhe izolimit që ai po përpiqet të krijoj me një anti-amerikan që e përfaqëson Kurti” ka thënë Veseli.

Ai më tej ka shtuar se “më 6 tetor do të votohet vetëm për një parti që ka vision perëndimor dhe që ka vizion euroatlantik”.

Para përkrahësve të shumtë, Veseli ka ftuar të rinjtë të qëndrojnë në Kosovë sepse në qeverisjen e tij si kryeministër do të jetë prioritet ndërtimi i një të ardhme më të mirë për të gjithë në Kosovë.

🔴DREJTPËRDREJT – PDK-ja mban tubim me qytetarët e Suharekës

Gepostet von EkonomiaOnline am Mittwoch, 2. Oktober 2019