VV-ja thotë se është e çuditshme pse opozita reagoi për KPM-në e jo edhe për RTK-në

Prishtinë | 22 Kor 2021 | 13:34 | Nga Fitore Berisha Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Lëvizja Vetëvendosje ka mbajtur konferencë për medie, ku i ka quajtur të pavërteta deklarimet e opozitës lidhur me përzgjedhjen e anëtarëve të komisionit ad-hoc të KPM-së, raporton Ekonomia Online.

Deputetja Doarsa Kica Xhelili, ka thënë se të dy proceset e KPM-së dhe RTK-së kanë qenë të njëjta, por reagimet s’kanë qenë të njëjta. Sipas tyre kjo është bërë në mënyrë të çuditshme.

“Është e çuditshme që thuhet diçka nga një deputetet si anëtare ndërsa asnjëra nuk kanë qenë prezent kur kanë ndodhur intervistimet për bordin e RTK dhe KPM. Dje u votuan kandidatët nga jo-shumicë. Ne kemi pasur reagime vetëm me proceset e KPM-së dhe kjo është e çuditshme. Dje nuk pat fjalime për pakica. Gjithmonë kur janë themeluar komisionet kanë qenë akterët e interesuar. Unë ende e kam të paqartë kur është themelua komisioni ad hoc. Cila është arsyeja që konsiderohet top sekrete. Dhe është shumë e rëndësishme që po bëhet këto dezinformata. Unë dua ta përmbyll që nuk po i bënë mirë që po dalin me deklarime të tilla sepse janë kandidatë nga radhët e opozitës”.

Deputet i VV-së, Fitim Haziri, ka thënë se është e çuditshme se me 27 maj të dy komisionet janë formuar të njëjtën ditë.

“Për bordin e RTK kemi mbajtur dy mbledhje. Dje kemi kaluar votim dhe është bërë përzgjedhja e dy anëtarëve. Çka qëndron mbrapa kësaj që për njërin komision kemi reagim e për tjetrin jo. Reagime kemi pasur vetëm për KPM. Kush qëndron prapa këtyre reagimeve”.

Përzgjedhja ad-hoc e anëtarëve të Komisionit të Pavarur për Media nxiti reagimin e shoqërisë civile në Kosovë ditë më parë.

E lidhur me mungesën e transparencës për këtë proces ditë më parë reagoi edhe Federata Evropiane e Gazetarëve, të cilët kanë bërë thirrje për transparencë të plotë.

Lexo më shumë:

Të ngjashme