Polonia ka raportuar 12,334 raste të reja me COVID-19 sot, 30% më shumë se një javë më parë, tregojnë shifrat nga Ministria e Shëndetësisë.

Ndërkohë janë raportuar edhe tetë vdekje të lidhura me koronavirusin.

Rreth 17,385 njerëz janë aktualisht në spitale me COVID-19, me rritje 23% në një javë dhe një rritje prej 652 gjatë 24 orëve të mëparshme. Zyrtarët e ministrisë së Shëndetësisë thonë se shumica e të pranuarve të rinj janë persona të pavaksinuar.

Gjatë muajit të fundit, Polonia ka parë një rritje graduale të rasteve dhe shkalla e vaksinimit në vend – 64% e të gjithë të rriturve – është shumë më poshtë mesatares së BE-së prej 74%.

Të paktën 18 spitale të përkohshme janë riaktivizuar për të akomoduar numrin në rritje të shtrimeve në spital.

Polonia ka regjistruar 3,357,763 infeksione që nga fillimi i pandemisë dhe 80,830 vdekje.