Në kuadër të reformës për menaxhimin e mbeturinave, komuna e Prishtinës ka filluar ta bëjë edhe faturimin për këtë shërbim. Si rrjedhojë, qytetarët do të pranojnë faturat e mbeturinave në shtëpitë e tyre një herë në tre muaj, transmeton Ekonomia Online.

Këto fatura mund të paguhen në sportelet e komunën, në pikat e Postës së Kosovës (pa provizion), si dhe në bankat komerciale. (http://prishtinaonline.com/prishtina-e-paster )

Komuna e Prishtinës përmes një komunikate për medie njofton se për borxhet e vjetra që janë grumbulluar, qytetarët duhet të drejtohen ne kompaninë “Pastrimi”.

“Nëse nuk paguhen 3 këste të njëpasnjëshme, Komuna aplikon masa administrative ndaluese për shërbimet që ofrohen në drejtoritë si në vijim:

– Drejtoria e Kadastrit

– Drejtoria e Urbanizmit, Ndërtimit dhe Mbrojtjes së Mjedisit

– Drejtoria për Shërbime Publike, Mbrojtje dhe Shpëtim

– Drejtoria e Financave

– Drejtoria e Pronës

– Drejtoria e Inspekcionit

– Zyra e Prokurimit”, thuhet në komunikatë.

Në linkun në vijim, mund ta shkarkoni online faturën tuaj: https://prishtina.smm-ks.com/public/