Kryeministri i Shqipërisë, Edi Rama, ka publikuar një video nga operacionet për shuarjen e zjarreve në Vlorë, ndërsa shkruan se prioritet mbetet evakuimi i banorëve, të cilëve u bën thirrje që të veprojnë sipas urdhrave të Mbrojtjes Civile.

“Po shtohen forcat e ndërhyrjes nga toka në Gjorm në zonën e lumit të Vlorës, ndërkohë vazhdon shuarja e zjarrit nga ajri, ku deri në këto momente ndërhyrja e helikopterit në Gumenicë ka arritur të largojë flakët e paparashikueshme prej erës që mund të preknin banesat.

Prioriteti kryesor mbetet evakuimi i banorëve të cilët duhet të veprojnë sipas urdhrave të strukturave të Mbrojtjes Civile për evakuim”, shkruan Rama.