”Ratko Mlladiq po ndjehet mirë. Ai është gati të paraqitet para Dhomës së Apelit”, ka thënë të martën Darko Mlladiq, djali i gjeneralit serb në Bosnje, Ratko Mlladiq.

Mlladiq ka pasur disa probleme serioze mjekësore gjatë gjykimit të tij dhe pësoi dy goditje në tru dhe një sulm në zemër, raporton radiosarajevo, njofton Klan Kosova.

Mbrojtja e tij vazhdimisht kërkoi që ai të shtrohej në spital, duke pretenduar se shëndeti i tij po përkeqësohej dhe duke ngritur shqetësime se ai mund të mos ishte mendërisht i aftë për të ndjekur procedurat.