Kina vazhdon të shënojë raste të infektimit dhe vdekjeve nga Coronavirusi.

Kina ka lëshuar të dhënat e saj të fundit duke raportuar për vazhdimin e rasteve të importuara të Coronavirusit, raporton BBC.

Deri në fund të së enjtes, 29 raste të reja të importuara u regjistruan në kontinent, pak më pak se 35 të një dite më parë. Dy raste shtesë u transmetuan në vend.

Katër vdekje të tjera u raportuan për të enjten, të gjitha në Wuhan, epiqendra e shpërthimit të Kinës.