Kombëtarja e Kosovës në futboll e ka publikuar listën e futbollistëve të ftuar për ndeshjet e muajit tetor.
“Dardanët” do të ndeshen më 12 tetor në udhëtim ndaj Andorrës.
Ilir Krasniqi, Lumbardh Dellova dhe Qëndrim Zyba janë futbollistët e ftuar nga Superliga e Kosovës për këto ndeshje të tetorit.
Ndërkohë, është ftuar gjithashtu edhe Shkëlqim Vladi.
Në anën tjetër, mungojnë kapiteni Amir Rrahmani dhe Mërgim Vojvoda shkaku i lëndimit, kurse në listë mungojnë emrat si Ermal Krasniqi, Ibrahim Dresevic, Arbër Zeneli e Valon Berisha.