Inspektorati Kombëtar i Mbrojtjes së Territorit (IKMT) në vijim të lirimit të hapësirave publike do të kryejë një shpërthim të kontrolluar për shembjen e një ndërtese pesëkatëshe në qytetin e Vlorës.

IKMT njofton se për shembjen e ndërtesës do të përdoren 36 kilogramë lëndë shpërthyese në pikat e hapura nga inxhinierët.

“Kjo hapësirë do t’u kthehet qytetarëve”, deklaroi drejtuesja e IKMT-së, Dallandyshe Bici.

Është vendosur gjithashtu një perimetër sigurie për të shmangur incidentet gjatë këtij aksioni.