Arsenali ka marrë një goditje të rëndë pas dëmtimit të William Salibas, i cili pritet të mungojë për tre deri në katër javë.

Mungesa e mbrojtësit francez ka shtyrë drejtuesit e klubit londinez të jenë edhe më aktivë në afatin e verës.

“Topçinjtë” vazhdojnë bisedimet për Bruno Guimaraes, por marrëveshja me mesfushorin brazilian mund të komplikohet nga interesimi i klubeve të tjera dhe kërkesat e larta financiare të Newcastle United. Ndërkohë, pista që çon te Bradley Barcola po ftohet gjithnjë e më shumë, pasi sulmuesi francez po shqyrton opsione të tjera për të ardhmen e tij.

Arsenali po monitoron gjithashtu disa emra nga La Liga, si dhe dyshen e Bournemouthit, Alex Scott dhe Dean Huijsen, megjithëse konkurrenca për ta mbetet e fortë. Mikel Arteta synon të përforcojë disa reparte të skuadrës përpara nisjes së sezonit të ri, me mbrojtjen dhe mesfushën që konsiderohen prioritete.