Federata Senegaleze e Futbollit njoftoi zyrtarisht të dielën se 45-vjeçari Pape Thiaw nuk është më trajneri i ekipit që u eliminua nga Kupa e Botës.

Në raundin e 16-të të Kupës së Botës, Senegali udhëhoqi Belgjikën 2-0 deri në minutën e 86-të. Në fund, senegalezët pësuan dy gola, dhe më pas Belgjika festoi 3-2 pas kohës shtesë dhe avancoi, shkruan Index.hr.

Thiaw ka qenë në krye të Senegalit që nga viti 2024 dhe doli në pah në fillim të këtij viti kur urdhëroi lojtarët e tij të largoheshin nga fusha në finalen e Kupës së Kombeve të Afrikës kundër Marokut, pasi nuk ishin dakord me disa vendime të gjyqtarëve.

Pas kthimit të tij në fushë, Senegali fitoi Kupën e Kombeve të Afrikës, por Konfederata e Futbollit Afrikan më vonë gjobiti ekipin kombëtar senegalez për këtë veprim dhe ia dha trofeun Marokut.

Mediat raportojnë se ish-lojtari i kombëtares franceze, 50-vjeçari Patrick Vieira, i cili gjatë karrierës së tij si trajner drejtoi New York City, Nice, Crystal Palace, Strasbourg dhe Genoa, është kandidati i kryesor për të qenë pasardhësi i Thiaw.