Gazeta sllovene “Delo” i ka kushtuar një artikull të veçantë gjendjes në vendet e Ballkanit, duke komentuar me theks të veçantë problemet e fundit të shfaqura ndërmjet Serbisë dhe Maqedonisë.
Duke i komentuar zhvillimet e fundit ndërmjet këtyre dy shtteve, gazeta nga Ljublana vlerëson se Serbia po i bën presion Maqedonisë të votojë kundër Kosovë në UNESCO.

“Serbia dhe Maqedonia kanë pikëpmaje të ndryshme për zgjidhjen e çështje shqiptare. Qeveria e Maqedonisë nuk ka zgjidhje tjetër në mënyrë që të lejojë komunitetin shqiptar të marrë pjesë në krijimin e politikës së brendshme dhe jashtme”, thuhet në artikullin e gazetës, transmeton lajmi.net
“Në ndërkohë autoritetet në Serbi favorizojnë aneksimin e Kosovën, ose të paktën ndarjen e asaj çka është serbe dhe shqiptare”, vazhdon artikulli.

E përditshmja sllovene shkruan se Serbia si aleate e Rusisë po bën përpjekje ta ndihmojë Moskën në përpjekjet e saj që ta parandalojë anëtarësimin e vendeve të rajonit në BE dhe NATO.
“Pas përpjekjes së dështaur të grusht shtetit në Mal të Zi, qëllimi i Rusisë është Maqedonia”, pretendon “Delo”.
Sipas kësaj gazete kriza e ardhshme në Evropë, mund të prek vendet e Ballkanit Perëndimor.