Komunarët e Podujevës nuk po mund t’i bëjnë shkollat e kësaj komune me drejtorë të rregullt. Disa nga shkollat e Podujevës ende vazhdojnë të udhëhiqen nga ushtrues detyre, shkruan sot “Koha Ditore”.

Deri kah fundi i vitit të kaluar me ushtrues detyre të drejtorëve për një kohë të gjatë (rreth dy vjet) kishin qenë afër 30 institucione shkollore, pas disa konkurseve të shpallura.

Por Drejtoria për Arsim nuk ka arritur që të zgjidhte drejtorët edhe për shkollën “Enver Maloku” e “Dëshmorët e Kombit” në Podujevë, “Luigj Gurakuqi” në Batllavë, “Kadri Kadriu” në Llaushë dhe “Sami Frashëri” në Zhiti.