Skenaristi dhe dramaturgu Maja Peleviq është sulmuar sot në Parkun e Pionierëve në Beograd, njoftoi Shoqata e Skenaristëve Serbë.

“Anëtarja e Bordit Ekzekutiv të organizatës sonë, Maja Peleviq, është sulmuar sot nga një person i paidentifikuar në hapësirën publike të Parkut të Pionierëve në Beograd” – deklaroi Shoqata e Skenaristëve Serbë, duke dënuar ashpër sulmin ndaj skenaristes serbe.

Shoqata saktëson se sulmi nga prapa është kryer nga një person i maskuar, i cili ka vjedhur telefonin e Maja Peleviqit, me të cilin ajo ka dokumentuar kaosin që ka ndodhur gjatë kampit ditëve të fundit.
Me përpjekje të jashtëzakonshme i është kthyer telefoni, ndaj ata pretendojnë se ka prova video të asaj që ka ndodhur.

Punonjësit e policisë, siç thonë më tej, nuk kanë pranuar ta ndihmojnë dhe të shkojnë me të në vendin e sulmit për të identifikuar autorin.

“I bëjmë thirrje autoriteteve të reagojnë dhe këshillojmë qytetarët që ta shmangin këtë hapësirë publike në qendër të kryeqytetit tonë, sepse aty nuk ka më polici që t’i mbrojë nga pjesëmarrësit e dhunshëm të tubimit “Studentët që duan të mësojnë””, apelon Shoqata e Skenaristëve Serbë.