Arsenali ka marrë një fitore të bindshme 3-0 në derbin e Londrës përballë Chelseas.
Një fitore e merituar për ekipin e Arsene Wengerit, që e dominoi takimin nga minuta e parë përballë skuadrës së Antonio Contes.
Goli i parë i “Topçinjve” u shënua nga kiliani Alexis Sanches në minutën e 11 të takimit. Tre minuta më vonë realizoi edhe Theo Walcott, që dërgoi topin në rrjetë pas asistit të Belerin.
Në minutën e 40-të shënoi edhe Mesut Ozil, duke e dërguar ekipin në pushim me shifrat 3-0.
Fitorja e sotme e ngjit Arsenalin në vendin e tretë me 13 pikë, ndërsa “Blutë e Londrës” rrëshqasin në vendin e 8 me 10 pikë.
Whoscored tashmë ka publikuar notat e futbollistëve të të dyja skuadrave, ku lojtari me notën më të lartë ishte Mesut Ozil, i cili u notua me 8.8.
Paraqitje të mirë patën edhe futbollistët shqiptar, Shkodran Mustafi, i cili u notua me 7.8 dhe Granit Xhaka me 6.7.