Barcelona e ka marrë një lajm të keq nga Anglia.
Gjiganti katalunas është i interesuar për transferimin e Bernardo Silvas.
Por, mediat britanike shkruajnë se mesfushori portugez ka vendosur të qëndrojë në Manchester City.
28 vjeçari shihet si pasues i Frenkie de Jongut në “Camp Nou” pasi përfaqësuesi holandez mund t’i bashkohet Chelseat.
Megjithatë, mediumi britanik “The Athletic” raporton se futbollisti kreativ e ka ndarë mendjen dhe dëshiron të qëndrojë në “Etihad Stadium”, përcjell “Gazeta Express”.
Ditë më parë u spekulua se kampioni aktual anglez i kërkon 100 milionë euro për kartonin e futbollistit, i cili mund të luajë në disa pozita të mesfushës.
Tash, “Blaugrana” duhet ta kërkojnë një tjetër alternativë, edhe pse Silva i përshtatet mjaft mirë lojës së trajnerit Xavi Hernandez.