Mesfushori i Juventusit, Emre Can ka nxitur reagime të ashpra me deklaratën seksiste derisa ka tentuar t’i dal në krah Cristiano Ronaldos për kartonin e kuq.

Ronaldo u ndëshkua me karton të kuq për reagimin ndaj mbrojtësit Murillo ndërsa Can ngjalli reagime kur ka thënë “ne nuk jemi femra”.

“A ishte ajo për karton të kuq?” ka pyetur Can. “Mësova se u ndëshkua sepse e kapi për flokësh Murillon. Ne nuk jemi femra, le të luajmë futboll”.

“Nëse do nxirrni kartonin e kuq për një gjë të tillë atëherë do të ndëshkoheshim për çdo ndërhyrje. 100 për qind nuk ishte për karton të kuq”.