Kryetari i FFK-së, Agim Ademi kërkon nga UEFA e FIFA që të mos ndërmerren masa të ngutshme

Prishtinë | 07 Dhj 2019 | 18:25 | Nga Ekonomia Online

Kryetari i Federatës së Futbollit të Kosovës (FFK), Agim Ademi dhe nënkryetari Bakir Burri kanë pasur një takim të frytshëm me zyrtarë ligjor të UEFA-s dhe FIFA-s.

Agim Ademi dhe Bakir Burri gjatë qëndrimit në Varshavë kanë zhvilluar takime me shumicën e delegacioneve të federatave anëtare të UEFA-s, ku morën përkrahje për tejkalimin e situatës së krijuar së fundmi.

Ata gjithashtu u përgëzuan për punën dhe sukseset e arritura për një kohë kaq të shkurtër pas anëtarësimit në UEFA e FIFA.

Ndërkohë, në takimin me zyrtarët ligjor të UEFA-s e FIFA-s si dhe me zëvendëssekretarin e përgjithshëm të FIFA-s për çështje të futbollit, Mattias Grafstrom, kryetari Ademi ua sqaroi situatën e krijuar dhe kërkoi që të mos ketë hapa të ngutshëm nga këto dy institucione që do ta dëmtonin Kosovën, transmeton telegrafi.

Kjo pasi sipas tij, KE i FFK-së dhe organet tjera të FFK-së janë duke e menaxhuar mirë situatën dhe nuk do të lejojnë ndërhyrjen e grupeve të interesit për të prishur gjithçka që është krijuar për një kohë të shkurtër dhe sidomos jo tani kur ende jemi në ndjekje të ëndrrës për kualifikim në Euro 2020.

Fjalë Kryesore:

Të ngjashme