Ka përfunduar pa gola pjesa e parë në mes të Uellsit dhe Zvicrës që po zhvillohet në kuadër të Grupit A në Euro 2020.

Helvetikët e filluan më mirë takimin, duke krijuar shanse të mira shënimi, por u mungoi konkretizimi.

Pas vetëm dy minutash lojë, Xherdan Shaqiri kishte shansin që të shënonte, mirëpo topi shkoi larg portës.

Në minutën e 15-të, Uellsi arriti të rrezikonte me anë të Kieffer More, por Yann Sommer bëri një pritje fantastike.

Fabian Schar (21’) bëri një goditje të fuqishme dhe u bë gati të festonte, e portieri Danny Ward ia ndërpreu gëzimin me pritje brilante.

Një mundësi e artë për zviceranët erdhi gjashtë minuta më vonë, kur Haris Seferovic bëri një gjuajtje të mrekullueshme, por topi shkoi fare pranë shtyllës së majtë.

Një tjetër rast i mirë për Seferovic erdhi edhe në minutën e 45-të, e top përfundoi vetëm mbi portë.

Në 45 minutat e dytë, me gjasë do të shënohet së paku një gol, duke parë ritmin e shpejtë të lojës dhe një ndeshje e hapur nga të dyja anët.