Rruga e brazilianit Alisson Becker për t’u bërë portieri më i shtrenjtë në botë kurrë nuk do të ishte realizuar nëse do të pyeteshin prindërit e tij.

Ish-trajneri i Alissonit ka zbuluar se si i kishte bindur prindërit e portierit që të mos e largonin nga futbolli, shkruan Koha Ditore.

Prindërit mendonin se i biri i tyre po humbiste kohë me futbollin dhe e kishte lënë shkollën anash.

Ndryshe nga shumë futbollistë të tjerë brazilianë, Alissoni nuk vinte nga shtresa e varfër e vendit, që futbollin e sheh si shpëtimin e vetëm.