Cucurella: Real Madridi është skuadra më e mirë në Evropë

Futbollisti spanjoll ka vlerësuar se aktualisht Real Madridi është ekipi që po paraqitet më mirë në kontinent, madje edhe përpara Paris Saint-Germainit.

Në një intervistë për emisionin “El Partidazo” në radion Cadena COPE, Cucurella u pyet nëse Reali është më i mirë se PSG-ja.

“Për momentin, mendoj se skuadra më e mirë në Evropë jemi ne. Kemi kaluar një seri shumë të mirë, kemi zhvilluar shumë ndeshje të mira dhe skuadra është shumë serioze”, deklaroi ai.

I pyetur për krahasimin me PSG-në, spanjolli shtoi se skuadra franceze ka lojtarë shumë të mirë dhe një projekt të ndërtuar ndër vite, por pranoi se nuk i ndjek shumë ndeshjet e saj.

“PSG-ja ka një ekip shumë të mirë, por aktualisht e shoh Real Madridin më të mirë”, theksoi Cucurella.

Ai veçoi edhe Arda Güler si futbollistin që e ka befasuar më së shumti te Reali, duke vlerësuar se me të në fushë skuadra luan më mirë dhe ka më shumë lidhje në lojën e pasimeve.