Kryeziu i kundërpërgjigjet Haradinajt: Nuk ka më kontroll të Beogradit mbi Qeverinë e Kosovës

Kryeziu ka theksuar se koha kur Beogradi kishte ndikim në vendimmarrjen e institucioneve të Kosovës ka kaluar, duke iu referuar periudhës kur, sipas saj, pritej deri në tetë orë për të marrë votën e deputetëve serbë.

Ajo ka kritikuar reagimin e Haradinajt, duke nënvizuar se Kosova sot ka institucione që vendosin në mënyrë të pavarur dhe se nuk ka më kontroll të Beogradit mbi Qeverinë e Kosovës.

Sipas Kryeziut, nuk mund të trajtohet vizita e një përfaqësuesi serb në Kosovë si dëshmi e rikthimit të një realiteti politik që, siç thotë ajo, tashmë i përket së kaluarës.