Superliga e Kosovës vazhdon të shtunën me dy takime.

Xhiro e 26-të nis me sfidat në mes të Dritës me Drenicën dhe Besës që pret Feronikelin.

Drita është favorite në “letër”, teksa për “kuqezinjtë” çdo pikë e fituar në Gjilan do të ishte e madhe në luftë për ekzistencë.

Në anën tjetër, Feronikeli shkon vetëm për tri pikë në Pejë, pasi nuk janë shumë larg zonës së rrezikshme, ndërsa Besa nikoqire, synon të shfrytëzojë terrenin vendas dhe të shkaktojë befasinë.

Të dy përballjet fillojnë nga ora 13:00.