Xhafer Tahiri, kryetari aktual i komunës së Vushtrrisë dhe njëkohësisht kandidat për kryetar të komunës nga radhët e LDK-së, sonte ka mbajtur një tubim me qytetarët vushtrrias në shkollën “Mustafë Venhari”.
Tahiri gjatë tubimit para qytetarëve theksoi se sonte u vulos fitorja e vushtrriasve për Vushtrrinën.
“Faleminderit që po na jepni krahë e mbështetje në qytetin që duam. Jam i nderuar ti prij këtij qyteti të vjetër, juve qytetarëve shembullor, me dije, dinjitet e punë për të gjithë” ka thënë Tahiri.
E pranishme gjatë këtij takimi ishte edhe deputetja e Kuvendit të Kosovës nga radhët e LDK-së , Rrezarta Krasniqi si dhe qytetarë të shumtë.