Së paku tetë fansa të futbollit mbetën të plagosur kur një shofer taksie u fut me veturën e tij në një turmë në qendër të Moskës të dielën, mirëpo, ndonëse dyshimet e para ishin për sulm të mundshëm terrorist, u tha se ai e kishte humbur kontrollin ndaj veturës.

Këtë e deklaroi prefekti i Moskës, Sergei Sobyanin, përmes një postimi në rrjetet sociale, raporton Reuters.

Ndërkaq, policia e Moskës ka nisur një hetim penal në këtë rast për shkelje të ligjit të trafikut.

Sipas videove të publikuara në rrjetet sociale, shoferi, i veshur me trenerka dhe fanellë të zezë, shihet teksa vrapon për të ikur nga vendi i ngjarjes, transmeton Koha.net.

Dy gra meksikane kanë mbetur të lënduara nga incidenti, megjithatë gjendja e tyre është stabile, ka bërë me dije ambasada e Meksikës në Moskë përmes Twitterit.

https://twitter.com/joshdcaplan/status/1008045712393883653?ref_src=twsrc%5Etfw&ref_url=https%3A%2F%2Fwww.koha.net%2Fboterori-2018%2F99674%2Ftaksisti-futet-me-veture-ne-turmen-e-fansave-ne-moske-shtate-te-lenduar%2F