Një sulm i armatosur ka ndodhur mbrëmjen e së hënës në Bruksel.

Sipas informacioneve të para një person i armatosur hapi zjarr në qendër të qytetit duke vrarë dy persona dhe duke plagosur një tjetër.

Autori i armatosur thuhet se ka bërtitur “Allahu Akbar”.

Raportet e mediave transmetuan video amatore që tregonin një burrë duke qëlluar disa herë pranë një stacioni duke përdorur një armë të madhe. Transmetuesit belgë thanë se dy viktimat ishin suedezë. Kombëtarja suedeze ishte planifikuar të luante me Belgjikën në stadiumin Heysel më vonë në mbrëmje, rreth 3 milje (5 kilometra) larg.

Zëdhënësja e policisë Ilse Vande Keere tha se oficerët mbërritën shpejt në vendngjarje dhe mbyllën lagjen e menjëhershme. Ajo nuk pranoi të jepte detaje mbi rrethanat e të shtënave.

Të shtënat erdhën në një kohë vigjilence të shtuar të lidhur me luftën e vazhdueshme Izrael-Hamas që ka rritur tensionin në disa vende evropiane.

Sulmuesi ka veshur, siç shihet në video, një xhaketë të kuqe, pantallona të zeza dhe një kapuç në kokë. Ai shfaqet në këmbë, me armë në dorë dhe fillon të qëllojë këdo në trotuar përballë tij.

Njerëzit, sapo dëgjojnë të shtënat, nisin të vrapojnë në panik, ndërsa personi i armatosur vrapoi pas dy personave, të cilët tentuan të strehoheshin në një pallat me vitrinë. Aty i fut në kurth dhe duket se qëllon sërish.