Presidenti Hashim Thaçi, tha se synim i institucioneve të vendit është arritja e një marrëveshje të përhershme me Serbinë, duku synuar normalizim të marrëdhënieve mes të dyja shteteve që do të përfundonte me njohje reciproke, raporton Ekonomia Online.

Kreu i shtetit në një debat mes përfaqësuesve të shoqërisë civile dhe medieve me temën “Çfarë do të thotë korrigjimi i kufirit ndërmjet Kosovës dhe Serbisë?”, organizuar nga Instituti Demokratik i Kosovës (KDI), shtoi njohja reciproke mes të dyja vendeve mund të përcillet me korrigjim të kufijve.

Kjo sipas tij, kjo nuk nënkupton ndarjen e Kosovës, duke u shprehur i bindur se me Serbinë asnjëherë nuk do të diskutohet për liqenin e Gazivodës.

“Së pari ne si Kosovë synojmë një marrëveshje të përhershme përfundimtare me Serbinë. Së dyti për ne normalizim i plotë i marrëdhënieve mes Kosovës dhe Serbisë është njohja reciproke. Së treti ne synojmë që përmes kësaj marrëveshje të na hapet mundësia që të bëhemi shtet anëtarë i Kombeve te Bashkuara. Njohja reciproke mes dy shteteve mund të përcillet me një proces të dakorduar mes dy palëve për korrigjimin e kufijve”.

“Çka do të thotë kjo, nuk do të ketë ndarje as shkëputje të territoreve nuk do të bisedohet kurrë në asnjë rrethanë për liqenin e Gazivodes. Ky proces do të shënonte fundin e konfliktit të gjatë dhe jo një konflikti të ri. Një marrëveshje e tillë mes nesh dhe Serbisë do të jetë kontribut për paqe dhe stabilitetin e Ballkanit”.

Ai ka ripërsëritur se kërkesa e Luginës për tu bashkuar me Kosovës është legjitime, por që synim është që përmes korrigjimit të merret territor e jo të jepet.

“Nuk do të ketë ndarje, nuk do të ketë shkëmbim të territoreve e as krijim të Serbska Republika në Kosovë. Korrigjim të kufirit do të ketë, e theksoj sot shumë hapur dhe fuqishëm, jam në favor që ta plotësoj kërkesën e Preshevës dhe Medvegjës e Bujanocit në demarkimin e kufirit me Serbinë jemi që ato t’i marrim”.

“Kjo temë është institucionalizuar nga ana ime dhe është legjitime dhe e drejtë respektimi i kësaj teme. Këto ditë kam dëgjuar ide të ndryshme nga individ të partive mirëpo nuk do të lejoj ide për ndarje korrigjim apo shkëmbim. Në këtë drejtim jam për me marr, dhe jo me dhënë”.

“Mund të humbin vëmendjen e BE-së nëse nuk arrijmë marrëveshje me Serbinë”