Policia e Kosovës njofton se në rrugën “Bajram Bahtiri” në Prishtinë ka arrestuar dy të dyshuar meshkuj K/Shqiptar pasi që të njëjtit e kanë sulmuar fizikisht viktimën mashkull K/Shqiptar.

Sipas viktimës njëri nga të dyshuarit kishte në dorë një thikë, ndërsa tjetri një revole me të cilën kishte shtënë disa here në drejtim të panjohur.

Viktima ka pësuar lëndime trupore dhe i është ofruar trajtim mjekësor.

Në vend të ngjarjes janë gjetur dy gëzhoja, ndërsa te të dyshuarit është gjetur dhe konfiskuar një pistoletë e cila është përdorur në rast. Me vendim të prokurorit të dyshuarit janë dërguar në mbajtje të cilët ngarkohen edhe me shkaktim të rrezikut të përgjithshëm.