Një tornado ka përfshirë disa fshatra në Republikën Çeke jug-lindore, duke lënë të vdekur tre persona dhe plagosur të paktën 60, thonë ekipet e shpëtimit.

Stuhia e së enjtes nxjerri çatitë nga një numër ndërtesash në zonat jugore Breclav dhe Hodonin, duke shkulur pemë dhe duke përmbysur makina.

Vendet më të goditura dukeshin si një zonë lufte në videot e postuara nga dëshmitarët.

“Është ferr i gjallë”, tha guvernatori rajonal i Moravia Jugore, Jan Grolich pasi vizitoi zonën.

Ekipet e shpëtimit nga i gjithë vendi dhe gjithashtu nga Austria dhe Sllovakia fqinje janë vendosur.

Michaela Bothová, një zëdhënëse e shërbimit të shpëtimit të Moravisë Jugore, tha se 63 persona ishin dërguar në spital nga shërbimet mjekësore, dhjetë prej të cilëve kishin dëmtime të rënda. Tre më vonë vdiqën.

Dhjetëra njerëz të tjerë kërkuan vetë ndihmë mjekësore, shtoi ajo, dhe viktimat e mëtejshme nuk mund të përjashtoheshin ndërsa ekipet e shpëtimit kërkuan rrënojat.