Politikania serbe, Rada Trajkovic, ka reaguar pas takimeve që kanë ndodhur dje në Berlin dhe pas darkës në mes të Kurtit dhe Vucicit në të cilën mori pjesë edhe emisari i BE-së për dialogun, Miroslav Lajcak.

Trajkovic ka thënë se që negociatat të jenë të suksesshme atëherë kryeministri Kurti duhet të ulë vetëvlerësimin e tij, meqë sipas Trajkoviqit shefi i Qeverisë kosovare po sillet sikur “Serbia të jetë shkëputur nga Kosova dhe jo anasjelltas”.

“Ai po sillet me një ngurtësi të tillë, saqë dikush do të mendonte se Serbia u shkëput nga Kosova dhe jo anasjelltas.Nëse një sjellje e tillë vlerësohet, separatistët tjerë ndoshta do të inkurajohen”, ka shkruar Trajkoviq.