Superliga e Kosovës në futboll vazhdon sot me ndeshjet e javës së 13-të.

Me fillim nga ora 13:00, Dukagjini do ta presë nënkampionen, Dritën në Klinë.

Dueli tjetër që nis po ashtu nga ora 13:00 do të jetë ai i dy ekipeve të renditura në fundin e tabelës, Fushë Kosovës dhe Lirisë.

Kjo ndeshje do të zhvillohet në stadiumin “Sami Kelmendi” në qytetin e Lipjanit.

E krejt në mbrëmje, me fillim nga ora 19:00, në stadiumin “Fadil Vokrri” do të luhet kryendeshja e kësaj xhiroje mes Prishtinës dhe Llapit.