Presidenti i Këshillit Europian, Donald Tusk ndodhet sot në Tiranë ku po takohet me zyrtarët e vendit.

Vizita e Tusk në Shqipëri është në kuadrin e një turi treditor që presidenti i Këshillit Europian do të zhvillojë në vendet e Ballkanit Perëndimor.

Qëllimi i vizitës është përgatitjet e samitit BE-Ballkan, që do të mbahet në Sofje më 17 maj.

Tusk do të ndalet edhe në Podgoricë, Beograd, Sarajevë dhe në Shkup.

Vizita e Tusk në Tiranë vjen pas vizitës së shefes për Politikë të Jashtme të BE, Federica Mogherini javën e shkuar, pasi Komisioni Europian i ka dhënë Këshillit të Europës rekomandimin zyrtar për nisjen e procesit të negociatave për anëtarësim për Shqipërinë.

Donald Tusk po pritet në një ceremoni mirëseardhjeje nga kryeministri Rama. Pas takimit është parashikuar një konferencë në Pallatin e Brigadave.

Siç është raportuar më heret, Tusk nuk kthen në Prishtinë.

Ndërkohë, mësohet se Kryeministri Edi Rama do të niset të mërkurën në Gjermani, ku ditën e enjte do të takohet me Kancelaren Angela Merkel.