Ushtria e Ukrainës sulmoi dy fabrika ruse që prodhonin dhe riparonin aeroplanë ushtarakë transporti dhe mallrash në rajonet Ulyanovsk dhe Novgorod, tha të mërkurën Shtabi i Përgjithshëm i Ukrainës.

Në një deklaratë  u tha se sulmi në uzinën Aviastar, pjesë e Korporatës së Bashkuar të Avionëve të Rusisë, në qytetin e Ulyanovsk, u krye më 16 mars, raporton Reuters.

Fabrika prodhon aeroplanë transporti ushtarak Ilyushin-76MD-90A, aeroplanë furnizimi me karburant Ilyushin-78M-90A dhe ofron shërbime mirëmbajtjeje për aeroplanët e mallrave “Ruslan”, dhe ndodhet rreth 800 kilometra nga kufiri ukrainas.