Portieri Kosovar Mërgim Krasniqi ka ndërruar ekip, por jo edhe kampionat. Mediumet suedeze kanë raportuar të mërkurën se Krasniqi është transferuar te Orebro nga Norrby, skuadra që garojnë në divizionin e dytë të futbollit në Suedi.

Krasniqi te Orebro është transferuar si lojtar i lirë pasi kontrata me Norrbyn i ka skaduar muajin e shkuar. Te Orebro kanë konfirmuar transferimin e Krasniqit, por nuk kanë bërë të ditur për sa vjet ka firmosur kontratë.

“Jemi të kënaqur të mirëpresim Mërgim Krasniqin te Orebro. Krasniqi është një portier që sezonet e fundit është stabilizuar si njëri prej më të mirëve në divizionin e dytë – Superettan. Ai është i talentuar dhe me transferimin te Orebro e ka bërë hapin e radhës në karrierë”, ka thënë trajneri i Orebros, Alex Kjall.

Krasniqi 28-vjeçar, prej vitit 2009 ishte pjesë e ekipit të parë të Orebros kurse edicionin e fundit ka regjistruar 28 paraqitje në Superettan.