Ushqimet që duhet t’i konsumoni çdo ditë

Prishtinë | 12 Qer 2023 | 07:08 | Nga Ekonomia Online

Përmirësimi i dietës suaj ushqimore mund të duket si një synim jo dhe aq i lehtë, që kërkon vetë – disiplinë dhe sakrificë.

Por nuk ka pse të jetë kështu. Në vend që të largojmë disa ushqime nga dieta jonë mund të shtojmë. Por çfarë duhet të shtojmë?

Ja 5 opsione të mirëbalancuara që duhet të hani çdo ditë, ose të paktën sa më shpesh të mundeni:

Salmon

Salmoni, i njohur për ngjyrën rozë që ka, është i pasur jo vetëm me proteina por gjithashtu dhe me acide yndyrore omega – 3, që kanë efekte pozitive si në zemër edhe në tru. Gjithashtu ky peshk ju siguron dhe vitaminë D, që ju bën mirë për kockat. Ta hani atë çdo ditë është e vështirë, por mund ta hani atë të paktën një herë në javë.

Lakra Brukseli

Kjo perime ngjyrë jeshile, që ngjan me një lakër të vogël, është e mbushur me lëndë ushqimore dhe përmban shumë pak kalori, vetëm 28 të tilla në një gjysmë filxhani. Lakra e Brukselit përmban dhe një mori vitaminash si, vitamina A, vitamina C, vitamina K, kaliumi dhe folate. Ajo përmban gjithashtu dhe antioksidantë, që janë kimikatë që ndihmojnë në parandalimin e dëmtimit të qelizave.

Boronica

Boronicat kanë një përmbajtje të lartë antioksidantësh, sidomos vitaminë C. Me vetëm 56 kalori për çdo 100 gram, boronicat ofrojnë gjithashtu një dozë të mirë të vitaminës A dhe fibrës. Nëse nuk e këni të lehtë të gjeni boronica mund t’i zëvendësoni me fruta të tjera me ngjyrë të errët kur të jetë sezoni i tyre si shegë dhe qershi.

Arra

Arrat jo vetëm që të japin ndjenjën e ngopjes por edhe sigurojnë një përzierje vajrash të shëndetshëm, proteina dhe vitaminë E. E njëjta gjë dhe për bajamet, lajthitë apo edhe kikirikët. Por kini parasysh se arrat kanë shumë kalori, kështu që limitojeni sasinë që hani çdo ditë.

Kos

Kosi ka në përbërje probiotikë, që janë bakterie të shëndetshme që ndihmojnë në mënyrë që zorrët të funksionojnë në mënyrën e duhur dhe kontribuojnë në një shëndet të përgjithshëm më të mirë. Kosi është një ushqim i pasur me lëndë ushqyese që e furnizon trupin me proteina, kalcium, magnez, vitaminë B12 dhe si acide yndyrore kyç, për të cilat trupi ka nevojë që të qëndrojë i shëndetshëm. Kosi gjithashtu ju jep një ndjenjë ngopjeje.

Të ngjashme