Ushtrimi për tendosje të duarve, muskujve të stomakut dhe vitheve

Prishtinë | 03 Jan 2023 | 07:12 | Nga Ekonomia Online

Është koha që treningun tuaj ta ngrini në nivel më të lartë, ndërkaq ushtrimi i cili është ideal për atë veprim tuajin të madh, i cili do t’ju mundësojë që më shpejt dhe më mirë të forconi muskujt e duarve, stomakut, si edhe vitheve – është shtytja me variacion. Detajet në vazhdim.

Ky tip i shtytjes është i ngjashëm me atë klasik, për pozitën e trupit dhe pozitën fillestare për ekzekutim, mirëpo përmban edhe disa lëvizje shtesë, të cilat e bëjnë më efikas.

Si ta bëni shtytjen me variacion?

Pozita fillestare është e njëjtë si edhe për shtytjen klasike, me mbështetje në parallëra dhe gishta të këmbëve, drejtimin e kurrizit dhe ngritjen e komblikut në nivel me kurrizin, ashtu që vithet të jenë lart.

Është shumë me rëndësi t’i forconi muskujt e stomakut dhe të gluteusit, në mënyrë që t’i aktivizoni gjatë ekzekutimit të kësaj shtytjeje.

Variacionet e shtytjes bëhen kur nga pozita, siç është e përshkruar më lart, njërën këmbë e ngrini lart, duke mos ndryshuar pozitën e trupit, dhe duke pasur kujdes që kombliku gjithë kohën të jetë paralel me dyshemenë.

Në këtë pozitë këmbën mbajeni 3 sekonda, kthejeni në pozitën fillestare, dhe të njëjtin veprim përsëriteni me këmbën tjetër, gjë që të dyja bashkë llogariten si një përsëritje.

Është e nevojshme që t’i bëni gjithsej 10 përsëritje.

Duke e bërë këtë ushtrim, keni angazhuar muskujt e pjesës së sipërme të trupit – para së gjithash, të duarve dhe të stomakut, por edhe të vitheve, gjë që forcon gjithë torzonë, andaj rekomandohet që shtytja me variacion të jetë pjesë e rutinës suaj të rregullt, përkatësisht e treningut të forcës.

Fjalë Kryesore:

Të ngjashme