Policia e Kosovës ka bërë të ditur se një person është gjetur pa shenja jete në banesën e tij.

Rasti ka ndodhur në Mitrovicë, të mërkurën rreth orës 17:00.

“Është raportuar se viktima mashkull kosovar në banesën e tij është gjete pa shenja jete. Për këtë rast ka njoftuar vëllai i viktimës, dëshmitari mashkull kosovar”, thuhet në raport.

Në vendin e ngjarjes kanë dalë njësitë relevante policore dhe ekipi mjekësor i cili e ka konstatuar vdekjen e viktimës.

Gjithashtu në vendin e ngjarjes është gjetur dhe është sekuestruar një armë me 14 fishekë dhe një gëzhojë e fishekut me të cilën armë dyshohet se viktima kishte bërë vetëvrasje.

Me urdhër të prokurorit trupi i pajetë i viktimës është dërguar në IML për obduksion.