Vdes Xhafer Krasniqi, reagon Haradinaj: Kishim plagë të njëjta

Kryetari i Aleancës për Ardhmërinë e Kosovës (AAK), Ramush Haradinaj ka reaguar pas lajmit për vdekjen e Xhafer Krasniqit, babai i dëshmorit të Kombit, Përparim Krasniqi, dhe xhaxhai i Adrian Krasniqit

Përmes një postimi në llogarinë e tij në Facebook, Haradinaj ka thënë se me bacë Xhafën kanë pasur plagë të njëjta të cilat i ndjenin tek njëri-tjetri.

“Me bacin Xhafë, flisnim për plagët e njëjta, që i ndjenim tek njëri-tjetri. Kujtonim heroizmat e Adrianit e Përparimit, Luanit e Shkelzenit.

Sot, ai iu bashkua atyre në botën e amshuar.

Ndaj dhembjen me familjen Krasniqi dhe të gjithë ata që e njohën.Lamtumirë Xhafer Krasniqi!”, ka shkruar Haradinaj.